Ministeryo ng  pagbibigay

Sa lumang tipan mahahanap natin ang mga gabay kung paano magbigay sa kautusan ng ikasampung bahagi ng pagbibigay kay Moises. Kung nais ninyong magkaroon ng karagdagang kaalaman tungkol sa ikasampung bahagi, pinapayuhan po namin kayo na basahin ang pangaral tungkol sa ikasampung bahagi. Tayo po ay tumungo ngayon sa bagong tipan, upang tuklasin kung anong kasanayan sa pagbibigay ang magtuturo sa atin, upang isagawa.

Bakit magbigay?

* Si Jesus ay binili na tayo at lahat ng ating tinataglay.

Namatay siya para sa lahat upang ang mga nabubuhay ngayon ay huwag nang mabuhay para sa sarili, kundi para kay Cristo na namatay at muling nabuhay para sa kanila. (2 Mga taga-Corinto 5:15).

* Para makalikom ng kayamanan sa langit.

Huwag kayong magtipon ng mga kayamanan sa lupa, na dito'y sumisira ang tanga at ang kalawang, at dito'y nanghuhukay at nagsisipagnakaw ang mga magnanakaw:Kundi magtipon kayo ng mga kayamanan sa langit, na doo'y hindi sumisira kahit ang tanga kahit ang kalawang, at doo'y hindi nanghuhukay at hindi nagsisipagnakaw ang mga magnanakaw:Sapagka't kung saan naroon ang iyong kayamanan, doon naman naroon ang iyong puso.(Mateo 6:19-21).

* Makapaglaan para sa mga mangangaral.

Naghasik kami sa inyo ng pagpapalang espirituwal; malaking bagay ba naman kung umani kami ng mga materyal na pakinabang mula sa inyo? (1 Corinto 9:11).

Kanino magbigay?

* Sa mga naglaan sayo ng espirituwal na pagkain.

Hindi ba ninyo alam na ang mga naglilingkod sa templo ay tumatanggap ng pagkain mula sa templo, at ang mga naglilingkod sa dambana ay may bahagi sa mga handog na nasa dambana? Sa ganyan ding paraan, ipinag-uutos ng Panginoon na ang mga nangangaral ng Magandang Balita ay dapat matustusan ang ikabubuhay sa pamamagitan ng Magandang Balita. (1 Corinto 9:13–14).

* Sa iyong mga Guro.

Ang mga pinunong mahusay mamahala ay karapat-dapat tumanggap ng paggalang at kabayaran, lalo na ang mga masigasig sa pangangaral at pagtuturo ng salita ng Diyos. Sapagkat sinasabi ng kasulatan, "Huwag mong bubusalan ang bibig ng baka habang ito'y gumigiik." Nasusulat din, "Ang manggagawa ay karapat-dapat bayaran." (1 Timoteo 5:17-18).

* Sa Mangangaral ng Ebanghelyo.

Alam naman ninyo, mga taga-Filipos, na kayo lamang ang iglesyang nakahati ko sa hirap at ginhawa nang umalis ako sa Macedonia noong ako'y nagsisimula pa lamang sa pangangaral ng Magandang Balita.Noong ako'y nasa Tesalonica na, makailang ulit ding pinadalhan ninyo ako ng tulong.(Filipos 4:15-16).

Paano dapat magbigay?

* Ayon sa Pananampalataya.

Nguni't ang nagaalinlangan ay hinahatulan kung kumakain, sapagka't hindi siya kumakain sa pananampalataya; at ang anumang hindi sa pananampalataya ay kasalanan. (Roma 14:23).

* May galak.

Magbigay ang bawa't isa ayon sa ipinasiya ng kaniyang puso: huwag mabigat sa loob, o dahil sa kailangan: sapagka't iniibig ng Dios ang nagbibigay na masaya. (2 Corinto 9:7)).

* Sa Lihim.

Kaya nga, kapag ikaw ay namamahagi sa mga kahabag-habag, huwag mong hipan ang trumpeta na nasa harap mo, gaya ng ginagawa ng mga mapagpaimbabaw sa mga sinagoga at sa mga daan. Ginagawa nila ito upang sila ay luwalhatiin ng mga tao. Katotohanang sinasabi ko sa inyo: Tinanggap na nila ang kanilang gantimpala.Kung mamahagi ka sa mga kahabag-habag, huwag mo nang ipaalam sa iyong kaliwang kamay kung ano ang ginagawa ng iyong kanang kamay.Sa gayon, maililihim ang iyong pamamahagi sa mga kahabag-habag. Ang iyong Ama na nakakakita sa lihim ay magbibigay ng gantimpala sa iyo nang hayagan. (Mateo 6:2-4).

Ano ang mangyayari kapag tayo ay magbigay?

* Ang pinakadakilang pangaral sa ebanghelyo ay naipapamahagi.

Hindi namin ipinagmamalaki ang mga bagay na hindi namin kaya. Hindi namin ipinagmamalalaki ang mga gawa ng iba. Umaasa kami, na habang lumalago ang inyong pananampalataya, ay lubos na palalawakin ng Diyos, sa pamamagitan ninyo, ang aming gawain sa inyong kalagitnaan.Ito ay upang maipangaral ang ebanghelyo sa mga nayon sa malayo at hindi upang ipagmalaki ang gawain na nagawa na ng iba. (2 Corinto 10:15-16).

* Ang simbahan ay napaliwangan.

Kung ang aking pananalita ay para bang sa walang pinag-aralan, subalit sa kaalaman ay hindi. Ngunit sa bawat paraan, sa lahat ng bagay ay malinaw kaming nahahayag sa inyo.Nagkasala ba ako sa pagpapakumbaba ko sa aking sarili upang kayo ay maitaas dahil walang bayad kong ipinangaral sa inyo ang ebanghelyo ng Diyos? Ninakawan ko ang ibang iglesiya nang tumanggap ako ng kabayaran sa paglilingkod para sa inyo. (2 Corinto 11:6-8).

* Ang diyos ay tutugon sa ating mga pangangailangan.

Datapuwa't mayroon ako ng lahat ng bagay, at sumasagana: ako'y busog, palibhasa'y tumanggap kay Epafrodito ng mga bagay na galing sa inyo, na isang samyo ng masarap na amoy, isang handog na kaayaaya, na lubhang nakalulugod sa Dios.At pupunan ng aking Dios ang bawa't kailangan ninyo ayon sa kaniyang mga kayamanan sa kaluwalhatian kay Cristo Jesus. (Filipos 4:18-19).

* Tayo ay makakatanggap.

- Magbigay kayo at ito ay ibibigay sa inyo, mabuting sukat, siniksik, niliglig at umaapaw sapagkat ang panukat na inyong ipinangsukat ay siya ring panukat na gagamitin sa inyo. (Lucas 6:38)
- Tandaan ninyo ito: ang nagtatanim ng kakaunti ay aani ng kakaunti, at ang nagtatanim naman ng marami ay aani ng marami. (2 Corinto 9:6).

* Ang Diyos ang magpaparami sa ating handog.

- Magagawa ng Diyos na pasaganain kayo sa lahat ng bagay, at higit pa sa inyong pangangailangan, upang may magamit kayo sa pagkakawanggawa. (2 Corinto 9:8).
- Ang Diyos na nagbibigay ng binhing itatanim at tinapay na makakain, ang siya ring magbibigay sa inyo ng binhi, at magpapalago nito upang magbunga nang sagana ang inyong kabutihang-loob. (2 Corinto 9:10).

Ano ang pinapatotohanan ng ministeryo ng pagbibigay?

* Ang ating pangmamahal kay Cristo Jesus.

- Sinuma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Diyos at sa mga kayamanan.(Mateo 6:24).
- Ang nagtataglay ng aking mga utos at tumutupad nito ay siyang umiibig sa akin. Ang umiibig sa akin ay iibigin ng aking Ama. Siya ay iibigin ko at ipahahayag ko sa kaniya ang aking sarili. (Juan 14:21). 
- Sumagot si Jesus at sinabi sa kaniya: Kung ang sinuman ay umiibig sa akin, tutuparin niya ang aking mga salita. Siya ay iibigin ng aking Ama. Kami ay pupunta sa kaniya at mananahan na kasama niya. (Juan14:23).

* Ating buhay na pananampalataya.

Sa pamamagitan ng katibayan ng paglilingkod na ito sila ay lumuluwalhati sa Diyos dahil sa inyong pagpapahayag ng inyong pagpapasakop sa ebanghelyo ni Cristo. At ito ay dahil na rin sa inyong pakikipag-isa sa matapat na pagbibigay para sa kanila at para sa lahat.(2 Corinto 9:13).

 
Lahat ng ito ay nagtuturo sa atin na ang ministeryo ng pagbibigay ay ayon sa ministeryo ni Jesus, na kung saan ay iniligtas ang mga tao at bumuo ng kanyang Iglesiya. Sapagkat ang anak ng tao ay naparito upang hanapin at iligtas ang mga nawawala.(Lucas 19:10). At sinasabi ko naman sa iyo, na ikaw ay Pedro, at sa ibabaw ng batong ito ay itatayo ko ang aking iglesiya; at ang mga pintuan ng Hades ay hindi magsisipanaig laban sa kaniya.(Mateo 16:18).

Higit na mabuting Tipan

Ngunit ngayon si Jesus ay nagtamo ng isang higit na dakilang paglilingkod, yamang siya ay tagapamagitan ng isang tipan na higit na mabuti. Ang tipang ito ay natatag sa lalong mabuting pangako.Sapagkat kung ang unang tipan ay walang kakulangan, hindi na sana naghahanap pa ng lugar para sa ikalawang tipan.(Hebreo 8:6-7).

Sa unang Iglesiya mababsa natin: Ang mga apostol ay nagpatotoo sa pagkabuhay-muli ng Panginoong Jesus na may dakilang kapangyarihan at ang dakilang biyaya ang sumakanilang lahat.Walang sinuman sa kanila ang nangailangan sapagkat ipinagbili ng lahat na may mga tinatangkilik na mga lupa o mga bahay ang kanilang pag-aari. Kanilang dinala ang mga halaga ng mga bagay na ipinagbili.Inilagay nila ang mga ito sa paanan ng mga apostol at ang pamamahagi ay ginawa sa bawat tao ayon sa kaniyang pangangailangan. (Mga Gawa 4:33-35).

Sa mga Gawa 12:12 ating mababasa na noong si Pedro ai himalang napalaya sa pagkabilanggo, pumunta siya sa bahay ni Maria, na marami ang nagtipon sa pananalangin. Ang katotohanan na ang mga tao ay nagtipon sa bahay niya upang manalangin ay nagpapahiwatig na si Maria ay isang pinuno. Ang pagiging pag-aari niya ng bahay, ay sinasabi sa atin na sila ay hindi inutusang ibenta ang kanilang mga bahay. Datapwat, iba sa kanila ay nagbenta ayon sa kanilang pananampalataya at ilalim sa inpirasyon ng banal na Espirito.

Sa ilalim ng kautusan, ang lumang tipan, ang mga Israelita ay inutusan na ibigay ang ikasampung bahagi ng kanilang mga pananim, mga prutas, pastol at kawang naipon. Ang sumulat ng libro ng Hebreo ay naghayag na ang lumang tipan ay hindi sapat at hindi makapagdadala kanino man sa kaganapa. (Hebreo 9:1). Ang kautusan ay isang anino ng mabubuting bagay na darating. Hindi iyon ang wangis ng mga tunay na bagay. Bawat taon patuloy silang naghahandog ng gayunding mga handog na kailanman ay hindi nagpapaging-ganap sa kanila na lumalapit. (Hebreo 10:1).

Si Jesus ay dumating upang tayo ay magkaroon ng buhay, at taglayin ito ng ganap. (Juan 10:10). Upang makamtan ang kasaganahan ng buhay sa bagong tipan dapat tayong mamuhay sa pananampalataya.Nguni't ang aking lingkod na matuwid ay mabubuhay sa pananampalataya: At kung siya ay umurong, ay hindi kalulugdan ng aking kaluluwa.(Hebreo 10:38).

Ngunit kung walang pananampalataya, walang sinumang tunay na makakapagbigay-lugod sa kaniya. Sapagkat ang lumalapit sa Diyos ay dapat sumampalatayang may Diyos at dapat siyang sumampalatayang siya ang nagbibigay gantimpala sa mga masikap na humahanap sa kaniya.(Hebreo 11:6). Sa oras na tayo ay tumalikod sa kautusan at magsimulang mamuhay ayon sa pananampalataya sa lahat ng aspeto ng ating buhay, kabilang na ang ministeryo ng pagbibigay, inilagay natin ang ating sarili sa posisyon na kung saan makakatanggap tayo ng nakakamanghang tagong kayamanan kay Cristo Jesus. Walang pagkukulang sa bagong tipan. Nangaral ang mga alagad tungkol sa pagkapako ni Jesus sa krus, namuhay sa pagpapala, at natugunan ang lahat ng pangangailangan nila.

Pagtatapos

Nakita natin na dahil sa tulong sa iglesiya ng Corinto, ang ministeryo ni Pablo ay nagpatuloy at higit pang lumawak sa Ebanghelyo ni Jesu-Cristo (2 Corinto 10:16).

Darating ang araw na ang mundo at ang lahat ng nandito ay magkakaroon ng katapusan. Tayo ay may pagkakataon ngayon upang gamitin ang ating buhay at kayamanan sa paraang tayo'y makakasama sa pangalawang pagbabalik ni Jesu-Cristo!Yamang ang lahat ng bagay na ito ay mawawasak, ano ngang pagkatao ang nararapat sa inyo? Dapat kayong mamuhay sa kabanalan at pagkamaka-Diyos.Hintayin ninyo at madaliin ang pagdating ng araw ng Diyos. Sa araw na iyon ang langit ay masusunog at mawawasak. Ang lahat ng mga sangkap na bumubuo ng sanlibutan ay matutunaw sa matinding init. (2 Pedro 3:11-12).